தமிழ்நாட்டில் யாருக்கு என்ன தண்டனை கொடுக்கலாம்

ப்ளாட்பாரத்துல வண்டி ஓட்டுறவன், சில்லறை தராத கண்டக்டர்,பான் பராக் போட்டுட்டு தியேட்டர்ல எச்சி துப்புறவன், காது கிழிய ஹாரன் அடிச்சிட்டு போற பஸ்,லாரி.....இப்படி அம்பி மாதிரி காலையில ஆபிஸ் போய் திரும்பி வர வரைக்கும் இவங்க பண்ற அநியாத்தை பார்த்து ஒன்னும் பன்ன முடியாமல், யாருக்கும் அக்கறையில்லை பொலம்பிட்டே தலை தண்ணி ஊத்துறத தவிர வேற ஒன்னும் பண்ண முடியல. இவங்களை எல்லாம்.........பல்ல கடிச்சுட்டு மனசுல தோனுமே அதை தான் இங்கே சொல்லியிருக்கிறேன். படிச்சிட்டு நீங்களா இருந்தா என்ன செஞ்சிருப்பிங்கன்னு சொல்லீட்டு போங்க.

நகரத்தில் ஏர் ஹாரன் உபயோக படுத்த கூடாதுனு சட்டம் இருந்தாலும், அதை காதுல வாங்காமல் ஏர் ஹாரனை கத்தவுட்டு வண்டி ஓட்டும் பஸ், லாரி டிரைவர்களை ஒரு கண்ணாடி அறையில் கட்டி வைத்து அவன் காதருகிலில் ரெண்டு குழாய் ஸ்பீக்கரை மாட்டி ஒரு ரெண்டு நாளைக்கு விடாமல் ஏர் ஹாரனை நேர அவன் காதுக்குள்ள அடிக்கனும்.

ப்ளாட்பாரத்துல பைக் ஓட்டறவன் டயர்ல காத்தை புடுங்கி விட்டுடனும் (பெங்களுருல இவனுக தொல்ல வர வர தாங்க முடியல)

திரையரங்கில் இருக்கைக்கு கீழே பான்பராக் போட்டு எச்சி துப்புறவனை புடிச்சு அவனை சட்டையை கழட்டி அதாலையே தியேட்டர்ல இருக்கிற அத்தனை இருக்கைகளையும் துடைக்க சொல்லனும்.

ஆட்டோகாரன் எழுபது ருபாய் கேட்டால், நூறு ருபா குடுத்துட்டு, கீப் த சேஞ்சுனு ஃபிகர் முன்னாடி பிலிம் காட்டி ஆட்டோகாரனை கெடுக்கும் ஐ.டி காரனை ஒரு எண்ணூறு கிலோ மீட்டர் தூரத்தில் வேறொரு மாநிலத்தில் கொண்டு போய் விட்டுட்டு வெறும் passenger train fareஐயும், டவுன் பஸ் காசையும் மட்டும் எண்ணி கொடுத்துட்டு ஊருக்கு போய் சேருன்னு துரத்தி விட்டுடனும்.

ஐம்பது பைசா சில்லறை கொடுக்காத கண்டக்டருக்கெல்லாம் அவர்கள் மாத சம்பளம் முழுவதையும் ஐம்பது பைசா சில்லறையாக கொடுக்கனும்.

பெண்களிடம் சில்மிஷம் செய்பவர்களுக்கு புடவையை கட்டிவிட்டு, நகர் முழுவது ஊர்வலமா சுத்தி வந்து கடைசியில் அவன் வசிக்கும் தெரு முனையில் ஒரு பொட்ட நாயோடு சேர்த்து ரெண்டு மூனு நாள் கட்டி விட்டுடனும் (நாய் பாவமோ?)

தமிழ் தான் என் பேச்சு, மூச்சு, வாச்சுன்னு பேசிட்டு மகனுக்கு கோட்டு சூட்டை மாட்டி விட்டு டெல்லிக்கு அனுப்பி விட்டு, பேரன் பேத்திகளை டெல்லி கான்வென்டில் சேர்த்து ஆங்கிலம், இந்தியை படிக்க சொல்லிட்டு, தமிழகத்தில் இருக்கும் மக்களை மட்டும் பொழைக்க விடாமல் தடுக்கும் புத்திசாலிகளை, வெறும் காட்டுவாசிகள் மட்டுமே வசிக்கும் ஏதாவது ஒரு தீவில் ரெண்டு வருசம் விட்டுட்டு வந்திடனும். நல்ல தமிழ தண்ணி ஊத்தி வளர்த்துங்கனு சொல்லீட்டு.

கடைசியாக, ஈழத்தில் அடிப்படை மருத்துவ வசதி கூட எதுவுமில்லாமல் அப்பாவி மக்கள் குண்டு வீச்சுக்கு பலயாகி கொண்டிருக்க, அதை தடுக்க வேண்டியவர்கள் குளு குளு மருத்துவமனையில் இருந்து கொண்டு, டெல்லியில் இருந்து வந்த தலைமை மருத்துவர், அவருக்கு கீழ் இருபது டாக்டர்கள், பணிவிடை செய்ய நூறு பேருன்னு ஹாயாக இருப்பவர்களை. ஒரு மூனு நாள் அரசு பொது மருத்துவமனை, ஜெனரல் வார்டுக்கு மாத்தி அந்த அனுபவம் எப்படி இருக்குனு பார்க்க சொல்லனும் (இந்த வசதி கூட இல்லாம தானே அங்கே ஆயிரக்கனக்கான மக்கள் இருக்கிறார்கள்)